ممبئی: (بی بی یو ورلڈ نیوز اردو) بھارتی اداکارہ تاپسی پنوں نے اپنی شادی کی خبروں پر سخت ردعمل دیا ہے۔
بالی وڈ انڈسٹری میں یہ خبریں گرم ہیں کہ اداکارہ اپنے بوائے فرینڈ میتھیاس سے رواں ماہ کے آخر میں شادی کرنے والی ہیں۔
ایک تازہ انٹرویو میں اداکارہ کا کہنا تھا کہ وہ جب بھی شادی کا فیصلہ کریں گی تو اپنی مرضی اور شرائط پر کریں گی، وہ اپنی ذاتی زندگی سے متعلق کسی کے دباؤ میں آکر فیصلہ نہیں کریں گی۔
تاپسی پنوں کا کہنا تھا کہ کسی بھی شخص کی ذاتی زندگی کے متعلق گفتگو کرکے اس پر دباؤ ڈالنا میڈیا کی عادت ہے، انہوں نے کہا کہ انہیں زندگی میں ایک لڑکے کی نہیں بلکہ مرد کی ضرورت ہے اور زندگی میں استحکام ایک سمجھدار مرد سے آتا ہے۔
