پشاور: (بی بی یو نیوز ورلڈ اردو) وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ وزیراعلیٰ خیبر پختونخوا علی امین گنڈا پور کو ایس آئی ایف سی میں شرکت کی دعوت موصول ہوئی ہے، وزیراعلیٰ کل ہونے والے اجلاس میں شرکت کر کے صوبے کی نمائندگی کریں گے۔
بیرسٹر ڈاکٹر سیف نے کہا کہ خیبر پختونخوا کی نمائندگی کے بغیر ایس آئی ایف سی کا اجلاس نامکمل اور بے نتیجہ ہوتا، خیبر پختونخوا میں سرمایہ کاری کے بہترین مواقع ہیں۔
انہوں نے کہا کہ وزیراعلیٰ علی امین گنڈاپور صوبے میں سرمایہ کاری کے حوالے سے فورم کو آگاہ کریں گے۔
بیرسٹر سیف نے کہا کہ خیبر پختونخوا قدرتی وسائل سے مالامال صوبہ ہے، یہاں سرمایہ کو فروغ دینے سے پورے صوبے کی تقدیر بدل سکتی ہے۔
