اسلام آباد: (بی بی یو نیوز ورلڈ اردو) محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہے گا تاہم اسلام آباد، بالائی، وسطی پنجاب، خطہ پوٹھو ہار، خیبر پختونخوا، شمال مشرقی بلوچستان، گلگت بلتستان اور کشمیر میں آندھی، جھکڑ چلنے کے علاوہ گرج چمک کے ساتھ چند مقامات پر مزید بارش کا امکان ہے۔
محکمہ موسمیات کی رپورٹ کے مطابق گزشتہ 24 گھنٹوں کے دوران خیبر پختونخوا، پنجاب، خطہ پوٹھوہار، اسلام آباد، گلگت بلتستان اور کشمیر میں آندھی، جھکڑ چلنے کے علاوہ گرج چمک کے ساتھ بارش ہوئی جبکہ ملک کے دیگر علاقوں میں موسم گرم اور خشک رہا ہے۔
اس دوران سب سے زیادہ بارش پٹن میں 17، مالم جبہ 15، سیدوشریف 14، پاراچنار، بالاکوٹ 9، کاکول، کالام 8، تخت بھائی 4، پشاور (ایئر پورٹ، سٹی) 3، باچاخان (ایئرپورٹ) 2، دیر (بالائی، زیریں) 2، چراٹ 2، بنوں میں ایک ملی میٹر ہوئی۔
اسی طرح منڈی بہاؤالدین میں 16، جوہر آباد 14، مری، ڈیرہ غازی خان 10، منگلا 9، چکوال 8، سرگودھا 7، اسلام آباد (سٹی، سیدپور 6، ایئرپورٹ، گولڑہ 3، بوکرہ 2)، راولپنڈی (چکلالہ، کچہری 5، شمس آباد 3)، جہلم 5، اٹک 2، حافظ آباد، ملتان میں ایک ملی میٹر بارش ریکارڈ کی گئی۔
چلاس 3، استور 0 2، سکردو ایک، مظفرآباد (ایئرپورٹ، سٹی) 3، راولاکوٹ، گڑھی دوپٹہ 3 اور کوٹلی میں بھی ایک ملی میٹر بارش ریکارڈ کی گئی۔
بدھ کو ریکارڈ کیے گئے زیادہ سے زیادہ درجہ حرارت کی رپورٹ کے مطابق سبی میں درجہ حرارت 47، گوجرانوالہ 46، جیکب آباد، موہنجوداڑو، شہید بینظیر آباد، بہاولنگر، بھکر، دادو 45، ڈی آئی خان، نورپورتھل، قصور اور خیرپور میں 44 ڈگری سینٹی گریڈ ریکارڈ کیا گیا ہے۔
