اسلام آباد: (بی بی یو ورلڈ نیوز اردو) وزارت مذہبی امور نے ذوالحج کا چاند دیکھنے کے لیے رویت ہلال کمیٹی کا اجلاس طلب کرلیا۔
مرکزی رویت ہلال کمیٹی کا اجلاس 27 مئی کو وزارت مذہبی امور کوہسار بلاک میں ہوگا، مرکزی رویت ہلال کمیٹی کا اجلاس چیئرمین رویت ہلال کمیٹی عبدالخبیر آزاد کی سربراہی میں ہوگا۔
زونل رویت ہلال کمیٹیوں کے اجلاس صوبائی ہیڈکوارٹرز میں ہوں گے، 27 مئی کو ذوالحج کا چاند نظر آنے کی صورت میں عید الاضحیٰ 6 جون کو ہوگی، 27 مئی کو ذوالحج کا چاند نظر نہ آنے کی صورت میں عید 7 جون کو ہوگی۔
ماہر فلکیات نے ذوالحج کا چاند 28 مئی کو نظر آنے کی پیش گوئی کر رکھی ہے، ماہر فلکیات نے ملک میں عید الاضحیٰ 7 جون کو ہونے کی پیش گوئی کر رکھی ہے۔
