کین ولیمسن نے ٹی ٹوئنٹی کرکٹ سے ریٹائرمنٹ کا اعلان کردیا

ویلنگٹن: (بی بی یو ورلڈ نیوز اردو) نیوزی لینڈ کرکٹ ٹیم کے سابق کپتان کین ولیمسن نے ٹی ٹوئنٹی کرکٹ سے ریٹائرمنٹ کا اعلان کردیا۔

نیوزی لینڈ کے معروف کرکٹر اور سابق کپتان کین ولیمسن نے اپنے ٹوئنٹی کیریئر کے دوران 2575 رنز بنائے جن میں 18 نصف سنچریاں شامل ہیں، 35 سالہ کین ولیمسن نے اس فارمیٹ کے 93 میچز کھیلے جن میں ان کا ٹاپ سکور 95 رہا۔

سابق کپتان نے اپنے ٹی ٹوئنٹی کیریئر کا آغاز 2011ء میں کیا تھا جس کے بعد انہوں نے 73 میچز بطور کپتان کھیلے، ولیمسن نے اپنا آخری میچ گزشتہ برس ٹی ٹوئنٹی ورلڈ کپ میں کھیلا تھا۔