کراچی: (بی بی یو ورلڈ نیوز اردو) پاکستان سٹاک مارکیٹ میں آج کاروبار کا مثبت رجحان رہا جس کے باعث سرمایہ کاروں کو اربوں کا فائدہ ہوگیا۔
کاروباری ہفتے کے تیسرے روز کاروبار کے آغاز پر سٹاک ایکسچینج میں زبردست تیزی دیکھنے میں آئی، 900 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 20 ہزار 106 پوائنٹس کی حد کو چھو گیا تاہم کاروباری روز کے اختتام پر ہنڈرڈ انڈیکس 960 پوائنٹس کی برتری کیساتھ ایک لاکھ 19 ہزار 931 پوائنٹس کی سطح پر بند ہوا۔
واضح رہے کہ سٹاک مارکیٹ میں گزشتہ کاروباری روز کے اختتام پر ہنڈرڈ انڈیکس 718 پوائنٹس کی کمی کے ساتھ ایک لاکھ 18 ہزار 971 پوائنٹس کی سطح پر بند ہوا تھا۔
سٹاک مارکیٹ میں آج 17 ارب 15 کروڑ 29 لاکھ 53 ہزار 582 روپے مالیت کے 28 کروڑ 8 لاکھ 61 ہزار 353 شیئرز کا لین دین ہوا۔
